• Latest News

    February 21, 2015

    மருதம் கலைக்கூடல் மன்றத்தின் ஓராண்டு நிறைவு விழாவும் கௌரவிப்பு மற்றும் அடையாள அட்டை, பாடசாலை உபகரணங்கள் வழங்கலும்

    எம்.வை.அமீர்,எம்.ஐ.சம்சுதீன்-
    மருதம் கலைக்கூடல் மன்றத்தின் ஓராண்டு நிறைவு விழா 2015-02-21 சனிக்கிழமை கல்முனை மஹ்மூத் மகளிர் கல்லூரியின் கேட்போர் கூடத்தில்  நடைபெற்றது.
    மன்றத்தின் தலைவர் செயிட் அஸ்வான் சக்காப் மௌலானா தலைமையில் இடம்பெற்ற இந்நிகழ்வில் முன்னாள் வர்த்தக, வாணிப, கப்பல்துறை அமைச்சர் ஏ.ஆர்.மன்சூர் பிரதம அதிதியாக கலந்து சிறப்பிக்கவிருந்தார். .மன்சூர் அவர்கள் தவிர்க்கமுடியாத காரணத்தினால் நிகழ்வில் கலந்து கொள்ளவில்லை. இருந்த போதும் நிகழ்வு திட்டமிட்டபடி இடம்பெற்றது.
    நிகழ்வுக்கு அதிதிகளாக சிரேஷ்ட ஊடகவியலாளரும் கல்வி அதிகாரியுமான ஏ.எல்.முக்தார் அவர்களும், சாய்ந்தமருது மாளிகைக்காடு உலமாசபை தலைவர் என்.எம்.முஜீப் அவர்களும் சாய்ந்தமருது பிரதேச செயலக நிருவாக உத்தியோகத்தர் எம்.எம்.உதுமாலெப்பை அவர்களும் கலந்து கொண்ட அதேவேளை பாடசாலை அதிபர்கள் ஆசிரியர்கள் மன்றத்தின் அங்கத்தினர் கௌரவம் பெற்றோர் மாணவர்கள் பொதுமக்கள் என மண்டபம் நிறைந்த அபிமானிகள் வருகை தந்திருந்தனர்.
    அத்துடன் கலாபூசணம் கே.எம்.ஏ.அசீஸ், பன்னூலாசிரியர் எம்.எம்.எம்.நூருல் ஹக், கவிஞர் எம்.எம்.ஜமால்தீன் ஆகியோர் இந்நிகழ்வில் பொன்னாடை மற்றும் நினைவுப்பரிசு வழங்கி கௌரவிக்கப்பட்டனர். இதன்போது நூறு மாணவர்களுக்கு பாடசாலை உபகரணங்கள் வழங்கி வைக்கப்படவிருப்பத்துடன் மருதம் கலைக்கூடல் மன்ற உறுப்பினர்களுக்கு அடையாள அட்டையும் வழங்கி வைக்கப்பட்டது.





    • Blogger Comments
    • Facebook Comments

    0 comments:

    Post a Comment

    Item Reviewed: மருதம் கலைக்கூடல் மன்றத்தின் ஓராண்டு நிறைவு விழாவும் கௌரவிப்பு மற்றும் அடையாள அட்டை, பாடசாலை உபகரணங்கள் வழங்கலும் Rating: 5 Reviewed By: murasunews
    Scroll to Top