மர்மங்களை லுக்கி வரும் லசந்த படுகொலை விசாரணை

எம்.எப்.எம்.பஸீர் -

அது கடந்த 15 ஆம் திகதி வெள்­ளிக்­கி­ழமை. குற்றப் புல­னாய்வு பிரிவின் உதவி பொலிஸ் அத்­தி­யட்­சகர் திசே­ராவின் வழி நடத்­தலில் கூட்டுக் கொள்ளை தொடர்­பி­லான விசா­ரணைப் பிரிவு பொறுப்­ப­தி­காரி பொலிஸ் பரி­சோ­தகர் நிஸாந்த டி சில்வா தலை­மை­யி­லான விசேட பொலிஸ் குழு ஒரு அதி­ரடி நட­வ­டிக்­கையை முன்­னெ­டுத்­தது. ஆம், இரா­ணுவ புல­னாய்வுப் பிரிவின் மிக முக்­கிய அதி­கா­ரி­களில் ஒருவர் என கரு­தப்­பட்ட சார்ஜன்ட் மேஜர் தர அதி­கா­ரி­யான பிரே­மா­னந்த உட­லா­கம எனும் அதி­கா­ரியின் கைது நட­வ­டிக்­கையே அது. தேசிய ரீதியில் மட்­டு­மின்றி சர்­வ­தேச ரீதி­யிலும் பெரும் அதிர்­வ­லை­களை ஏற்­ப­டுத்­திய படு­கொ­லை­களில் ஒன்­றான சண்டே லீடர் பத்­தி­ரி­கையின் முன்னாள் ஆசி­ரியர் லசந்த விக்­ர­ம­துங்­கவின் படு­கொலை விவ­காரம் தொடர்­பி­லேயே இந்த கைது இடம்­பெற்­றது.

கடந்த 2009 ஜன­வரி மாதம் 8 ஆம் திகதி கல்­கிசை பொலிஸ் பிரி­வுக்குட்­பட்ட அதி உயர் பாது­காப்பு வல­யத்தில், தனது காரில் அலு­வ­லகம் நோக்கி சென்று கொண்­டி­ருந்த போது லசந்த விக்­ர­ம­துங்க அடை­யாளம் தெரி­யாத ஆயு­த­தா­ரி­களால் மிக மோச­மாக படு­கொலை செய்­யப்­பட்டார். இத­னை­ய­டுத்து இது தொடர்பில் கல்­கிசை பொலிஸார், மிரி­ஹான விசேட விசா­ரணைப் பிரி­வினர் ஆகி­யோரின் கீழ் ஆரம்­பக்­கட்ட விசா­ர­ணைகள் ஆரம்­பிக்­கப்­பட்டு, அப்­போ­தைய பொலிஸ் மா அதிபர் ஜயந்த விக்­ர­ம­ரத்­னவின் உத்­த­ர­வுக்கு அமைய விசா­ர­ணைகள் பயங்­க­ர­வாத புல­னாய்வுப் பிரி­வுக்கு மாற்­றப்­பட்­டன. இதனைத் தொடர்ந்து இந்த படு­கொலை விவ­கா­ரத்தில் குறிப்­பிட்டு சொல்­லு­ம­ள­வுக்கு முன்­னேற்­றங்கள் ஏற்­ப­டாத நிலையில், கடந்த 2015 ஜன­வரியில் ஏற்பட்ட ஆட்சி மாற்­றத்தைத் தொடர்ந்து முன்னாள் பொலிஸ் மா அதிபர் என்.கே.இலங்­க­கோ­னினால் லசந்த படு­கொலை விவ­காரம் தொடர்பில் விசா­ரணை செய்யும் பொறுப்பு 2015 பெப்­ர­வரி மாதம் குற்றப் புல­னாய்வு பிரிவின் சிறப்பு குழு­விடம் கைய­ளிக்­கப்­பட்­டது.

அதன்­படி 2015, பெப்­ர­வரி மாதம் 28 ஆம் திகதி முதல் இது குறித்த விசா­ர­ணைகள் குற்றப் புல­னாய்வு பிரிவின் சிரேஷ்ட பிரதிப் பொலிஸ் மா அதிபர் ரவி சென­வி­ரத்ன, அதன் பணிப்­பாளர் சிரேஷ்ட பொலிஸ் அத்­தி­யட்­சகர் சுதத் நாக­ஹ­முல்ல ஆகி­யோரின் மேற்­பார்­வையில் உதவி பொலிஸ் அத்­தி­யட்­சகர் திசேரா தலை­மை­யி­லான பொலிஸ் குழு­விடம் கைய­ளிக்­கப்­பட்­டது. இந்த சிறப்புக் குழுவின் சிறப்பு விசா­ரணை அதி­கா­ரி­யாக அல்­லது தலைமை விசா­ரணை அதி­கா­ரி­யாக, வெள்ளை வேன் விவ­காரம், வித்­தியா படு­கொலை விவ­காரம், வஸீம் தாஜுதீன் படு­கொலை விவ­காரம் உள்­ளிட்ட பல்­வேறு பேசப்­பட்ட குற்­றங்கள் தொடர்பில் விசா­ர­ணை­களை முன்­னெ­டுக்கும் குழுவில் அங்கம் வகிக்கும் பிர­தான விசா­ரணை அதி­கா­ரி­யான குற்றப் புல­னாய்வுப் பிரிவின் கூட்டுக் கொள்ளை தொடர்­பி­லான விசா­ர­ணை­ய­றையின் பொறுப்­ப­தி­காரி பொலிஸ் பரி­சோ­தகர் நிஸாந்த சில்வா நிய­மிக்­கப்­பட்டார். அவரின் கீழ் மற்­றொரு பொலிஸ் பரி­சோ­த­க­ரான சுதத் உள்­ளிட்ட சிறப்புக் குழு­வொன்றும் இது குறித்த விசா­ர­ணை­களில் ஈடு­ப­டுத்­தப்­பட்­டது.

இந்­நி­லையில் சுமார் ஒன்­றரை வரு­டங்­க­ளாக முன்­னெ­டுக்­கப்­பட்ட நீண்ட விசா­ர­ணை­களின் பின்னர் குற்றப் புல­னாய்வு பிரிவின் சிறப்பு விசா­ரணைக் குழு முதல் சந்­தேக நபரை கடந்த 15 ஆம் திகதி இரவு 11.00 மணி­ய­ளவில் கைது செய்­தது.

குற்றப் புல­னாய்வு பிரிவு இக்­கொலை தொடர்­பி­லான விசா­ர­ணை­களை சுமார் 6 ஆண்­டு­களின் பின்னர் பொறுப்­பேற்ற போது, முதலில் இப்­ப­டு­கொலை தொடர்பில் விசா­ரணை செய்த கல்­கிசை, மிரி­ஹான மற்றும் பயங்­க­ர­வாத புல­னாய்வுப் பிரிவின் விசா­ரணை அறிக்­கை­களை தமது பொறுப்பில் எடுத்து, அதி­லி­ருந்தே விசா­ர­ணை­களை தொடங்­கி­யி­ருந்­தனர். அதனால் விசா­ர­ணையின் ஆரம்­பத்­தி­லேயே, லசந்த கொலை தொடர்பில் முன்­னைய விசா­ர­ணை­யா­ளர்கள் கிர­ம­மான விசா­ரணை ஒன்­றினை முன்­னெ­டுத்­தி­ருக்­க­வில்லை என்ற உண்­மையை புல­னாய்வுப் பிரி­வி­னரால் வெளிப்­ப­டுத்திக் கொள்ள முடி­யு­மாக இருந்­தது. அத்­துடன் லசந்த கொலை செய்­யப்­படும் போது அவ­ரது கையில் இருந்­த­தாகக் கூறப்­படும் குறிப்புப் புத்­தகம் தொடர்­பி­லான தக­வலும் அதன் போதே குற்றப் புல­னாய்வுப் பிரி­வுக்கு கிடைத்­தது. எனினும் இன்று வரை அந்த குறிப்புப் புத்­தகம் காணாமல் போயுள்­ளதை வெளிப்­ப­டுத்­திய குற்றப் புல­னாய்வு பிரி­வினர் அந்த குறிப்புப் புத்­தகம் பொலி­ஸாரால் மீட்­கப்­பட்ட பின்­ன­ரேயே காணாமல் போயுள்­ள­மையும் அதில் படு­கொ­லை­யுடன் தொடர்­பு­டைய இர­க­சியம் ஏதும் இருக்­கலாம் எனவும் தக­வல்­களை வெளிப்­ப­டுத்­தினர்.

அதன் பல­னாக அப்­போது கல்­கிசை வல­யத்­துக்கு பொறுப்­பாக இருந்த சிரேஷ்ட பொலிஸ் அத்­தி­யட்­சகர் ஹேமந்த அதி­காரி, சிரேஷ்ட பிரதிப் பொலிஸ் மா அதிபர் பிர­சன்ன நாண­யக்­கார, பின்­னாளில் இந்த படு­கொலை தொடர்பில் விசா­ரணை செய்த பயங்­க­ர­வாத புல­னாய்வுப் பிரி­வுக்கு பொறுப்­பாக இருந்த பிரதிப் பொலிஸ் மா அதிபர் சந்ரா வாகிஸ்ட, உதவி பொலிஸ் அத்­தி­யட்­சகர் பிர­சன்ன அல்விஸ் உள்­ளிட்டோர் குற்றப் புல­னாய்வுப் பிரிவின் சிறப்பு விசா­ர­ணை­க­ளுக்கு முகம் கொடுக்க வேண்­டிய கட்­டா­யத்­திற்குத் தள்­ளப்­பட்­டனர். இந்த உயர் பொலிஸ் அதி­கா­ரிகள் வரி­சை­யா­னது நேற்று வரை இரு முன்னாள் பொலிஸ் மா அதி­பர்­களை கூட விசா­ரணை வல­யத்­துக்குள் வைக்­கு­ம­ள­வுக்கு நீண்­டது. அதா­வது கொலை இடம்­பெற்ற போது பொலிஸ் மா அதி­ப­ராக இருந்த ஜயந்த விக்­ர­ம­ரத்ன, பின்னர் பெரும்­பா­லான லசந்த கொலை விசா­ர­ணைகள் முன்­னெ­டுக்­கப்­பட்ட காலப்­ப­கு­தியில் பொலிஸ் மா அதி­ப­ராக இருந்த மஹிந்த பால­சூ­ரிய ஆகி­யோரே இவ்­வாறு விசா­ரணை வல­யத்­துக்குள் உள்ள முன்னாள் பொலிஸ் மா அதி­பர்­க­ளாவர்.

குற்றப் புல­னாய்வுப் பிரிவின் சிறப்பு பொலிஸ் குழு ஒரு­புறம், சரி­யாக விசா­ரணை செய்­யாத பொலிஸ் அதி­கா­ரிகள் தொடர்பில் விசா­ர­ணை­களை முன்­னெ­டுக்க மறு­புறம் அதில் இருந்து வெளிப்­ப­டுத்­தப்­பட்ட தக­வல்­க­ளுக்கு அமைய கொலை­யா­ளி­களை தேடி வேட்­டை­யையும் தொடர்ச்­சி­யாக முன்­னெ­டுத்­தனர்.

அது குறித்த நீண்ட விசா­ர­ணை­க­ளி­லேயே குற்றப் புல­னாய்வுப் பிரி­வி­ன­ருக்கு மிக முக்­கி­ய­மான தக­வல்கள் சில­வற்றை வெளிப்­ப­டுத்திக் கொள்ளக் கூடி­ய­தாக இருந்­தது.

அவ்­வாறு வெளிப்­ப­டுத்­தப்­பட்ட தக­வல்­களில் லசந்த படு­கொலை தொடர்பில் நேரில் கண்ட பிர­தான சாட்சி ஒருவர் தொடர்­பி­லான தக­வல்­களும் லசந்­தவின் சாரதி குறித்த தக­வல்­களும் மிக முக்­கி­ய­மா­ன­தாக புல­னாய்வுப் பிரி­வி­ன­ருக்கு அமைந்­தி­ருந்­தது.

புல­னாய்வுப் பிரி­வி­னரின் தக­வல்­களின் படி சாட்­சி­யா­ளர்­க­ளுக்கு உச்ச பாது­காப்பு அச்­சு­றுத்தல் உள்ள நிலையில், கொலையை நேரில் பார்த்த கண்­கண்ட சாட்­சியை நாம் நெவில் என மாற்றுப் பெயரில் அவ­ரது பாது­காப்பு கருதி அடை­யா­ளப்­ப­டுத்­து­கின்றோம்.

நெவில், லசந்­தவின் சாரதி ஆகி­யோரை விசா­ரணை செய்த குற்றப் புல­னாய்வு பிரி­வினர் அவர்­க­ளது சாட்­சி­யங்­களின் பிர­காரம் பல முக்­கிய தக­வல்­களை வெளிப்­ப­டுத்­தினர்.

லசந்­தவின் சார­தியை விசா­ர­ணை­யா­ளர்கள் சிறப்பு விசா­ர­ணைக்கு உட்­ப­டுத்­திய போதே தற்­போது கைதா­கி­யுள்ள சார்ஜன்ட் மேஜர் தர அதி­கா­ரி­யான உட­லா­கம தொடர்­பி­லான தக­வல்கள் முதலில் வெளிப்­பட்­டன. அதா­வது லசந்த படு­கொலை செய்­யப்­பட்ட பின்னர் அது குறித்து பல இடங்­களில் லசந்­தவின் சாரதி கருத்­துக்­களை வெளிப்­ப­டுத்­தி­யுள்ளார்.

மிக் விமான கொள்­வ­னவு மோசடி தொடர்பில் சண்டே லீடர் பத்­தி­ரி­கையில் வெளிப்­ப­டுத்­தி­ய­தால் முன்னாள் பாது­காப்புச் செய­லாளர் கோத்­தபா­யவே லசந்­தவை கொலை செய்­த­தாக, வாய்­வழிக் கதை­யாக லசந்­தவின் சாரதி சில­ரிடம் கதைத்­துள்ளார். இத­னை­ய­டுத்தே ஒரு நாள் திடீ­ரென லசந்­தவின் சார­தியை கடத்திச் சென்­றுள்ள இந்த சார்ஜன்ட் மேஜர் தர அதி­காரி அவரை அமா­னுஷ்­ய­மான முறையில் சித்­தி­ர­வதைச் செய்து கொலை அச்­சு­றுத்தல் விடுத்து விசா­ரணை செய்­துள்ளார்.

அதா­வது இதற்கு பிறகு இக்­கொ­லை­யுடன் கோத்­தபாயவை சம்­பந்­தப்­ப­டுத்தி யாரி­ட­மா­வது ஏதா­வது கூறினால், வாழ்­வ­தற்கு உயிர் இருக்­காது என்ற இறுதி எச்­ச­ரிக்­கையின் பின்­ன­ரேயே லசந்­தவின் சாரதி அப்­போது உயிர் பிச்­சை­ய­ளிக்­கப்­பட்டு விடு­தலை செய்­யப்­பட்­டுள்ளார். இந்த தக­வல்­களை புல­னாய்வுப் பிரிவு லசந்­தவின் சார­தியை விசா­ரணை செய்த போது வெளிப்­ப­டுத்திக் கொண்­டது. அதனை பிர­தான சாட்­சி­யாக பதிவு செய்து கொண்ட புல­னாய்வுப் பிரிவு, நேரில் கண்ட சாட்­சி­யான நெவிலின் சாட்­சி­யத்­தையும் விசா­ரணை ஊடாக பதிவு செய்­தது.

அதன்­படி லசந்­தவை கொலை செய்ய மோட்டார் சைக்­கிளில் வந்த அடை­யாளம் தெரி­யாத ஆயு­த­தா­ரி­களில் ஒருவர் தான் அணிந்­தி­ருந்த முகத்தை முழு­மை­யாக மறைக்கும் தலைக்­க­வ­சத்தின் வைசரை உயர்த்தி லசந்­தவை எச்­ச­ரிக்கும் வித­மாக பார்த்­ததைக் கண்­டுள்ள நெவில் அது குறித்து குற்றப் புல­னாய்வுப் பிரி­வி­ன­ருக்கு தக­வ­ல­ளித்தார்.

இந்த இரு சாட்­சி­யங்கள் மற்றும் சில தக­வல்­களை வைத்து முதல் வேலை­யாக குற்றப் புல­னாய்வுப் பிரி­வினர் படு­கொ­லை­யா­ளிகள் என சந்­தே­கிக்­கப்­படும் நபர்­களின் உரு­வத்தை வரைந்­தனர். அந்தப்­ப­டத்தை ஊட­கங்­க­ளிலும் பிர­சு­ரித்து அவர்கள் தொடர்பில் தக­வல்­களை பொலிஸ் ஊடகப் பேச்­சாளர் ஊடாக அவர்கள் கோரினர். அதன் வெளிப்­பா­டாக சில தக­வல்கள் குற்றப் புல­னாய்வுப் பிரி­வி­ன­ருக்கு கிடைத்­தி­ருந்­தன.

இவ்­வா­றா­னதோர் பின்­ன­ணி­யி­லேயே லசந்­தவின் சார­தியை கடத்திச் சென்று சித்­தி­ர­வதை செய்­த­தாகக் கூறப்­படும் சார்ஜன்ட் மேஜர் தர அதி­கா­ரி­யான உட­லா­க­மவை லசந்த கொலை தொடர்பில் முதல் சந்­தே­க­ந­ப­ராக குற்றப் புல­னாய்வுப் பிரி­வினர் கைது செய்­தனர்.

15 ஆம் திகதி நள்­ளி­ரவு கைது செய்­யப்­பட்ட இந்த சார்ஜன்ட் தர அதி­கா­ரியை மறு நாள் 16 ஆம் திகதி கல்­கிசை நீதிவான் மொஹமட் சஹாப்தீன் முன்­னி­லையில் ஆஜர் செய்த குற்றப் புல­னாய்வுப் பிரி­வினர், அவரை 24 மணி நேரம் தடுப்புக் காவலில் எடுத்து விசா­ரணை செய்­தனர். இந்த விசா­ர­ணை­களின் போது பல்­வேறு தக­வல்­களை குற்றப் புல­னாய்வு பிரி­வினர் வெளிப்­ப­டுத்­திக்­கொண்­டனர்.

லசந்த படு­கொலை செய்­யப்­பட்ட பின்­னணி தொடர்பில் இதன்­போது தேடிய குற்றப் புல­னாய்வுப் பிரி­வினர் கொலை­யா­ளிகள் மிகக் கொடூ­ர­மாக படு­கொ­லையை அரங்­கேற்­றி­யுள்­ளதை கண்­ட­றிந்­தனர். துப்­பாக்கிப் பிர­யோ­கத்­துக்கு மேல­தி­க­மாக கூரிய ஆயுதம் ஒன்றால் லசந்­தவின் தலைப்­ப­கு­தியைக் குத்­தி­யுள்ள சந்­தேக நபர்கள் அல்­லது கொலை­யா­ளிகள் அத­னூ­டாக மூளையை குத­றி­யுள்­ள­தாக விசா­ர­ணையில் தெரி­ய­வந்­தது. இத்­த­கைய கொடூ­ர­மான செயல் பட்­டப்­ப­கலில் அதி­யுயர் பாது­காப்பு வல­யத்தில் எப்­படி சாத்­தி­ய­மா­னது என்­பதே குற்றப் புல­னாய்வுப் பிரி­வினர் முன்­னி­ருந்த பாரிய சந்­தே­க­மாகும்.

இந் நிலையில் இது குறித்து மேல­திக விசா­ர­ணைகள் முன்­னெ­டுக்­கப்­பட்ட போது கைது செய்­யப்­பட்ட முத­லா­வது சந்­தே­க­ந­ப­ரான சார்ஜன்ட் மேஜர் உட­லா­க­ம­விடம் லசந்த கொலை தொடர்பில் பொலிஸார் துரு­வி­யுள்­ளனர். இதன்­போது படு­கொ­லைக்கு என அல்­லது திட்­டத்தை சரி­யாக நிறை­வேற்­ற­வென 5 சிம் அட்­டைகள் சந்­தேக நபர்­களால் பயன்­ப­டுத்­தப்­பட்­டுள்­ளமை தொடர்­பி­லான தக­வல்­க­ளையும் ஒரு­வரை ஒருவர் அறி­யாத இரு குழுக்கள் நட­வ­டிக்­கைக்கு பயன்­ப­டுத்­தப்­பட்­டுள்­ளமை தொடர்­பிலும் சந்­தே­கிக்­கத்­தக்க பல்­வேறு சான்­று­களை விசா­ர­ணை­யா­ளர்கள் தமது விசா­ர­ணை­களில் வெளிப்­ப­டுத்­திக்­கொண்­டுள்­ளனர்.

தற்­போது கைது செய்­யப்­பட்டு விளக்­க­ம­றி­யலில் உள்ள சந்­தேக நப­ரான உட­லா­கம, 2009 ஜன­வரி 8 ஆம் திகதி லசந்த கொலை செய்­யப்­பட்ட காலப்­ப­கு­தியில் கொஹு­வலை பகு­தியில் செயற்­பட்ட இரா­ணுவ புல­னாய்வுப் பிரிவின் முகா­மி­லேயே சேவையில் இருந்தார்.

அப்­போது கொஹு­வலை புல­னாய்வு முகாமில் 3 புல­னாய்வுப் பிரிவு குழுக்கள் செயற்­பட்­ட­தாக தக­வல்கள் ஊடாக அறிய முடி­கின்­றது. கேர்ணல் பிர­சன்­னவின் கீழ் ஒரு குழுவும், மேஜர் அன்­சாரின் கீழ் மற்­றொரு குழுவும் மற்­றொன்று துரத்திச் செல்லும் அள­வுக்கு பயிற்­றப்­பட்ட சிலரைக் கொண்ட குழு­வா­கவும் செயற்­பட்­டுள்­ளன. கேர்ணல் பிர­சன்­னவின் கீழ் சுமார் 17 புல­னாய்வு அதி­கா­ரிகள் செயற்­பட்­டுள்­ள­தா­கவும் சார்ஜன்ட் மேஜர் உட­லா­கம, மேஜர் அன்­சாரின் கீழ் செயற்­பட்ட மிக முக்­கிய அதி­காரி எனவும் தக­வல்கள் தெரி­விக்­கின்­றன. இது தொடர்பில் பல்­வேறு புல­னாய்வு இணை­யத்­த­ளங்­களும் செய்­தி­களை வெளி­யிட்­டுள்­ளன.

விடு­தலைப் புலி­களின் கட்­டுப்­பாட்டில் இருந்து பிரிந்து வந்த கரு­ணாவும் அவர் குழு­வி­னரும் இரா­ணுவ புல­னாய்வுப் பிரி­வுடன் இணைந்து செயற்­பட்­டமை ஒன்றும் இர­க­சியம் கிடை­யாது. அப்­படி இருக்­கையில் பிரிந்து வந்த கருணா குழுவில் இருந்­த­வர்கள் மேஜர் அன்­சாரின் கீழ் இருந்த பிரி­வி­லேயே கொஹு­வலை புல­னாய்வு முகாமில் கட­மை­யாற்­றி­யுள்­ளனர். அதிலும் தற்­போது கைது செய்­யப்­பட்­டுள்ள சார்ஜன்ட் மேஜர் தர அதி­கா­ரி­யான உட­லா­க­மவே கருணா குழு­வி­ன­ருக்கு பொறுப்­பாக இருந்­துள்ளார். அதற்கும் காரணம் இருக்­கின்­றது. மாத்­த­ளையைச் சேர்ந்த உட­லா­கம தமி­ழிலும் சர­ள­மாக உரை­யாடும் ஆற்­றலை கொண்­டி­ருந்­த­தாலோ என்­னவோ இவ்­வாறு பொறுப்­ப­ளிக்­கப்­பட்­டி­ருந்­துள்ளார்.

இந்­நி­லையில் லசந்­தவின் கொலை தொடர்பில் பயன்­ப­டுத்­தப்­பட்­ட­தாக கண்­ட­றி­யப்­பட்­டுள்ள 5 டயலொக் சிம் அட்­டைகள் தொடர்­பி­லான விசா­ர­ணை­களில் பல உண்­மைகள் வெளிச்­சத்­துக்கு வந்­துள்­ளன. மரு­தா­னையில் உள்ள ட்ரிபொலி முகாமில் உளவுப் பிரிவு சார­தி­யாக கட­மை­யாற்­றிய கந்­த­கெ­தர பிய­வன்ச என்­பவர் ஊடா­கவே இந்த சிம் அட்­டைகள் கொள்­வ­னவு செய்­யப்­பட்­டுள்­ளன. அவரின் நண்பர் எனக் கூறப்­படும் நுவ­ரெ­லி­யாவைச் சேர்ந்த தமி­ழ­ரான கராஜ் உரி­மை­யாளர் பிச்சை என்­ப­வரின் அடை­யாள அட்­டையை கள­வாக பெற்றே இவர் அந்த சிம் அட்­டை­களைக் கொள்­வ­னவு செய்­துள்ளார்.

உண்­மையில் கடந்த அரசின் காலப்­ப­கு­தியில் பயங்­க­ர­வாத புல­னாய்வுப் பிரிவு முன்­னெ­டுத்த விசா­ர­ணையில் லசந்­தவின் கொலை தொடர்பில் பிய­வன்­ச­வையும், பிச்­சை­யையும் பொலிஸார் கைது செய்­தனர். அவர்­களில் பிச்சை விளக்­க­ம­றி­ய­லி­லேயே உயி­ரி­ழந்தும் விட்டார். இந் நிலையில் சட்ட மா அதி­பரின் ஆலோ­ச­னைக்கு அமை­வாக பிய­வன்­சவும் விடு­விக்­கப்­பட்டார். அப்­படி இருக்­கையில் இந்த தக­வல்கள் அப்­போதே வெளிப்­பட்­டி­ருக்க வேண்டும். எனினும் இந்த சிம் அட்­டை­களை பயன்­ப­டுத்­தி­ய­வர்கள் உள்­ளிட்ட மேல­திக விசா­ர­ணைகள் அப்­போது நடத்­தப்­பட்­ட­தாக தெரி­ய­வில்லை.

எனினும் தற்­போ­தைய விசா­ர­ணை­களில் குறித்த 5 சிம் அட்­டை­களும் லசந்­தவின் கொலை­க­ளுக்கு மட்­டுமே பயன்­ப­டுத்­தப்­பட்­டுள்­ளமை தெரி­ய­வந்­துள்­ளது.

லசந்­தவின் படு­கொ­லை­யா­னது மிகத் திட்­ட­மிட்டு செய்யப்பட்டுள்ள நிலையில் அது குறித்த விசாரணைகளை மிக வெற்றிகரமாக மிக சூட்சுமமாக குற்றப் புலனாய்வு பிரிவினர் முன்னெடுத்துள்ளனர். அதனால் விசாரணையில் வெளிப்படுத்தப்பட்டுள்ள பல தகவல்களை எழுதுவது விசாரணைகளுக்கு பாதிப்பாகக் கூட அமையலாம். எனினும் பல்வேறு அறிவியல் ரீதியிலான தடயங்கள், சான்றுகள் மற்றும் சாட்சிகளின் அடிப்படையிலேயே தற்போதைய சந்தேகநபரின் கைதினை புலனாய்வுப் பிரிவினர் முன்னெடுத்துள்ளனர்.

எனவே தான் கடந்த 27 ஆம் திகதி கல்கிசை நீதிவான் நீதிமன்றில் முன்னெடுக்கப்பட்ட அடையாள அணிவகுப்பில் கூட லசந்தவின் சாரதி, கைதான உடலாகமவை தன்னை சித்திரவதை செய்தவர் என அடையாளம் கண்டுள்ளார். அத்துடன் நேரில் கண்ட சாட்சி நெவிலின் அடையாள அணிவகுப்புக்காக சந்தேக நபரான உடலாகம எதிர்வரும் ஆகஸ்ட் மூன்றாம் திகதி மன்றில் ஆஜர்செய்யப்படவுள்ளார்.

எது எப்படியோ இதுவரை மறைக்கப்பட்ட லசந்த படுகொலை விவகாரம் தற்போது வெளிச்சத்துக்கு வர ஆரம்பித்துள்ளது. எனவே மிக விரைவில் லசந்தவின் படுகொலையாளிகள் சட்டத்தின் முன்னால் நிறுத்தப்படல் வேண்டும். தற்போது குற்றப் புலனாய்வுப் பிரிவு முன்னெடுத்துள்ள விசாரணைகளுக்கு இடையூறு ஏற்படுத்தும் வகையில் யாரும் செயற்படக் கூடாது. மாற்றமாக சாட்சியங்கள் திட்டமிட்டு அழிக்கப்பட்டும் அச்சுறுத்தப்பட்டும் வரும் சூழலில் மிக சிரமங்களுக்கு மத்தியில் இந்த படுகொலை விவகாரத்தின் மர்மங்களை துலக்கி வரும் குற்றப் புலனாய்வுப் பிரிவின் குழுவுக்கு பக்க பலமாக அனைவரும் செயற்பட வேண்டும்.

வீரகேசாி 30.07.2016 - 

7:40 PM