கமு/நிந்தவூர் அல் - மஸ்ஹர் பெண்கள் உயர்தரப் (தேசிய) பாடசாலையின் ஆசிரியர்கள் மற்றும் ஏனைய ஊழியர்களினால் ஏற்பாடு செய்யப்பட்டிருந்த இப்பாராட்டு விழாவில் கிழக்கு மாகாண கல்விப் பணிப்பாளராக செயற்பட்டு ஓய்வுபெற்றுள்ள எம்.ரி.ஏ.நிஸாம் அல் - மஸ்ஹர் பெண்கள் உயர்தரப் (தேசிய) பாடசாலையின் வளர்ச்சியில் எடுத்துக் கொண்ட அக்கறையையும், முயற்சியையும் பாடசாலை சமூகத்தினர் நினைவு கூர்ந்து பேசியதுடன், அதற்காக தமது நன்றிகளையும் தெரிவித்துக் கொண்டார்.
எம்.ரி.ஏ.நிஸாம் ஆசிரியராக கல்விப் பணியில் காலடி வைத்து மாணவர்களுக்கு சிறந்த முறையில் கற்பித்தார். ஏக காலத்தில் சித்திரம், இஸ்லாமிய நாகரிகம், பொருளியல், புவியியல், அளவையியல் பாடங்களை நிந்தவூர் அல் - அஸ்ரக் தேசிய பாடசாலையில் கற்பித்தார்.
மேலும், கல்வி நிர்வாக சேவைப் பரீட்சையில் சித்தியடைந்தார். அதனைத் தொடர்ந்து நிந்தவூர் அல் - அஸ்ரக் தேசிய பாடசாலையில் அதிபராகவும் கடமையாற்றினார். கோட்டக் கல்விப் பணிப்பாளர், திட்டமிடல் பிரதிக் கல்விப் பணிப்பாளர், வலயக் கல்விப் பணிப்பாளர் ஆகிய பதவிகளின் மூலமாகவும், மாகாண கலவிப் பணிப்பாளர் என்ற உயர் பதவியின் மூலமாகவும் மிகச் சிறந்த முறையில் கலவிக்கு சேவை செய்துள்ளமையும் குறிப்பிடத்தக்கது.
இவ்விழாவில்
கல்முனை வலயக் கல்விப் பணிப்பாளர் எஸ்புவேந்திரன், உதவிக் கல்விப்
பணிப்பாளர்களான எம்.எம்.கலீல், யூ.எல்.சாஜித், எம்.ஏ.எம்.றஸீன்,
இப்பாடசாலையின் முன்னாள் அதிபர்களான ஓய்வு பெற்ற அதிபர்களான திருமதி
எஸ்.செய்னுலாப்தீன், எம்.எஸ்.அப்துல் ஸலாம், திருமதி என்.யூ.எச்.சித்தீக் (
ஹானியா) ஆகியோர்களும் கலந்து கொண்டு முன்னாள் மாகாண கல்விப் பணிப்பாளரின்
கல்விப் பணியை பாராட்டிப் பேசினார்கள்.
0 comments:
Post a Comment