தமது கணவர் விஜயகுமாரதுங்க அரசியல் காரணமாக படுகொலை செய்யப்பட்டதை போன்று தன்னையும் படுகொலை செய்வதற்கான சூழ்ச்சிகள் மேற்கொள்ளப்படுகின்றதா? என்ற சந்தேகம் எழுவதாக
முன்னாள் ஜனாதிபதி சந்திரிகா பண்டாரநாயக்க குமாரதுங்க தெரிவித்துள்ளார்.
தமக்கு வழங்கப்பட்டிருந்த பாதுகாப்பு படையினரை குறைப்பதற்கு மேற்கொள்ளப்பட்டுள்ள நடவடிக்கை தொடர்பாக, பொதுமக்கள் பாதுகாப்பு அமைச்சின் செயலாளர் ரவி செனவிரத்னக்கு அனுப்பி வைத்துள்ள கடிதத்திலேயே அவர் இவ்வாறு தெரிவித்துள்ளார்.
50 பேராக இருந்த தனக்கான பாதுகாப்பை 30 பேராக குறைப்பதற்கு நடவடிக்கை எடுக்கப்பட்டுள்ளதாக, சிரேஷ்ட பிரதி பொலிஸ்மா அதிபர் அஜித் ஹேமசிறி கடந்த ஒக்டோபர் 31ஆம் திகதி தனக்கு அனுப்பிவைத்துள்ள கடிதத்தில் குறிப்பிட்டுள்ளதாக முன்னாள் ஜனாதிபதி தெரிவித்துள்ளார்.
இந்நிலையில் முன்னாள் ஜனாதிபதிகளுக்கு 243 பேர் 200 பேர் மற்றும் 109 பேர் கொண்ட பாதுகாப்பு அதிகாரிகள் குழுவை வழங்கியுள்ள நிலையில், தனக்கு மாத்திரம் 30 பேரை வழங்குவதற்கு தீர்மானம் எடுத்திருப்பது எந்த வகையில் நியாயமாகும் என முன்னாள் ஜனாதிபதி சந்திரிகா பண்டாரநாயக்க தனது கடிதத்தினூடாக கேள்வியெழுப்பியுள்ளார்.தாம் பதவியிலிருந்து ஓய்வு பெற்றிருந்தாலும் எவ்வாறாயினும் படுகொலை செய்வதாக விடுதலைப்புலிகள் அமைப்பு, கடந்த 2006 ஆம் ஆண்டு மற்றும் 2014 ஆம் ஆண்டுகளில் பிரசித்தமாக அறிவித்தல்களை வெளியிட்டிருந்ததாக புலனாய்வு பிரிவினர் தனக்கு அறிக்கை வழங்கியதாகவும் அவர் அந்த கடிதத்தில் சுட்டிக்காட்டியுள்ளார்.
முன்னாள் ஜனாதிபதி மஹிந்த ராஜபக் ஷவுக்கு 63 இராணுவத்தினர் மற்றும் 180 பொலிஸ் உத்தியோகத்தர்கள் அடங்கிய 243 பேரும் முன்னாள் ஜனாதிபதி மைத்திரிபால சிறிசேனவுக்கு 109 பொலிஸாரையும் முன்னாள் ஜனாதிபதி கோட்டாபய ராஜபக்சவுக்கு 25 பொலிஸார் மற்றும் 175 இராணுவத்தினர் என 200 பேர் பாதுகாப்புக்காக வழங்கப்பட்டுள்ளதாக தெரிவித்துள்ள சந்திரிகா குமாரதுங்க, 50 ஆக இருந்த தமது பாதுகாப்பு உத்தியோகத்தர்களை 30 ஆக குறைத்துள்ளதாக தனது கடிதத்தில் குறிப்பிட்டுள்ளார்
0 comments:
Post a Comment