மேயர் பதவியை இராஜினாமாச் செய்ய மாட்டேன் என்று நான் ஒரு போதும் கருத்துக்களை தெரிவிக்கவில்லை. மேயர் பதவியை இராஜினாமாச் செய்வதற்காக கால அவகாசத்தையே தலைவரிடம் கேட்டு இருந்தேன். மேலும், இந்த விடயத்தில் என்னை சிலர் தவறாக வழி நடத்தினார்கள் என்பதனையும் சுட்டிக் காட்ட விரும்புகின்றேன்.
இவ்வாறு மு.காவின் தலைமையகத்தில் இன்று மாலை நடைபெற்ற ஊடகவியலாளர் மாநாட்டில் சிராஸ் மீராசாஹிவு தெரிவித்தார். இங்கு அவர் மேலும், கருத்துத் தெரிவிக்கையில்,
இவ்வாறு மு.காவின் தலைமையகத்தில் இன்று மாலை நடைபெற்ற ஊடகவியலாளர் மாநாட்டில் சிராஸ் மீராசாஹிவு தெரிவித்தார். இங்கு அவர் மேலும், கருத்துத் தெரிவிக்கையில்,
ஊடகங்களில் தெரிவிக்கப்பட்டதனைப் போன்று மேயர் பதவியை இராஜினாமாச் செய்யமாட்டேன் என்று நான் ஒரு போதும் கருத்துக்களை தெரிவிக்கவில்லை. பதவியை இராஜினாமாச் செய்வதற்கான கால அவகாசத்தையே கேட்டிருந்தேன்.
இதே வேளை, எனக்கு வாக்களித்த மக்கள் மேயர் பதவியினை இராஜினாமாச் செய்ய வேண்டாமென்றும் வலியுறுத்திக் கேட்டுக் கொண்டார்கள். இதனால், எனக்கு கால அவகாசம் தேவைப்பட்டது. மேலும், மேயர் பதவி விடயத்தில் என்னை சிலர் பிழையாக வழி நடத்தினார்கள் என்பதனையும் சுட்டிக் காட்ட விரும்புகின்றேன்.
சிலர் என்னை முஸ்லிம் காங்கிரஸில் இருந்து வெளியேற்றி விட வேண்டுமென்று திட்டமிட்டுக் கொண்டிருக்கின்றார்கள். கட்சியினது நலனையும், தலைவரின் வேண்டுகோளையும் ஏற்று என்னுடைய இராஜினாமா கடிதத்தினை தலைவரிடம் இன்று காலை ஒப்படைத்தேன்.
இந்த இராஜினாமா கடித்தினையும் என்னைச் சார்ந்தவர்களிடம் கலந்துரையாடியே வழங்கியுள்ளேன். நான் இந்த கட்சியின் வளர்ச்சிக்கும், சமூகத்தின் எழுச்சிக்கும் தொடர்ந்தும் உழைப்பேன்.
0 comments:
Post a Comment