கட்சியின் நலனைக் கருத்திற் கொண்டே நாம் இந்த முடிவினை எடுத்தோம். கல்முனை மாநகர சபையின் மேயர் பதவியில் இருந்து இராஜினாமாச் செய்வதில் சிராஸ் மீராசாஹிவுக்கு தயக்கம் இருந்த போதிலும், இன்று அவர் கட்சியினதும், சமூகத்தினதும்; நலனைக் கருத்திற் கொண்டு தானாகவே தமது இராஜினாமாக் கடிதத்தினை வழங்கியுள்ளார். அதனையிட்டு அவரை நான் பாராட்டுகின்றேன்.
இவ்வாறு மு.காவின் தலைவரும், நீதி அமைச்சருமான ரவூப் ஹக்கிம் இன்று மாலை 03 மணியளவில் மு.காவின் தலைமையகமான தாருஸ் ஸலாமில் நடைபெற்ற ஊடகவியலாளர் மாநாட்டின் போது தெரிவித்தார்.
இவ்வாறு மு.காவின் தலைவரும், நீதி அமைச்சருமான ரவூப் ஹக்கிம் இன்று மாலை 03 மணியளவில் மு.காவின் தலைமையகமான தாருஸ் ஸலாமில் நடைபெற்ற ஊடகவியலாளர் மாநாட்டின் போது தெரிவித்தார்.
இம்மாநாட்டில் சிராஸ் மீராசாஹிப்பின் இராஜினாமா உத்தியோக பூர்வமாக அறிவிக்கப்பட்டது.
இங்கு அவர் தொடர்ந்து உரையாற்றுகையில்,
எமது கட்சியின் ஒற்றுமையையும், வளர்ச்சியையும் மழுங்கடிக்கச் செய்யும் வகையில் சிலர் கல்முனை மாநகர சபையின் மேயர் விடயத்தினைப் பயன்படுத்திக் கொள்வதற்கு பெரும் முயற்சிகளை மேற்கொண்டிருந்தார்கள். அவர்களின் திட்டத்தை முறியடிக்க வேண்டிய கட்டாயம் தலைமைக்கு ஏற்பட்டது. இதனால், எமது முடிவில் மாற்றங்களை ஏற்படுத்திக் கொள்ளாத நிலையினை எடுத்தோம்.
மேயர் பதவிளை வைத்துக் கொண்டு கட்சிக்குள் பிளவை ஏற்படுத்திக் கொள்வதற்கு சிலரினால் மேற்கொள்ளப்பட்ட முயற்சி இன்று தோல்வி கண்டுள்ளது. கட்சியின் உறுப்பினர்களிடையே ஒரு சமத்துவமாக நடந்து கொள்ள வேண்டுமென்ற அடிப்படையினைக் கொண்டே நான் செயற்பட்டுக் கொண்டிருக்கின்றேன். கட்சியின் வளர்ச்சிக்கு தியாகங்களைச் செய்கின்றவர்களை கட்சி ஒரு போதும் கைவிடாது. அவர்களுக்கு மதிப்பும், மரியாதையும் கட்சியினால் நிச்சயமாக வழங்கப்படும்.
கல்முனை மாநகர சபையின் மேயர் பதவியை சிராஸ் மீராசாஹிவு இராஜினாமாச் செய்துள்ளதனை அடுத்து, கல்முனை மாநகர சபையின் புதிய மேயராக நிஸாம் காரியப்பர் நியமிக்கப்பட்டுள்ளார். பிரதி மேயராக யாரை நியமிப்பதென்று கட்சியின் உயர்பீடம் கூடி முடிவுகளை எடுக்கும் .
0 comments:
Post a Comment