இலங்கை குறித்து கொழும்பில் உள்ள அமெரிக்க தூதரகம் சமூக வலைத்தளத்தில் வெளியிட்டுள்ள கருத்து தொடர்பில் இன்று (10) தகவல் கோரப்படும் என இலங்கை வெளிவிவகார அமைச்சு தெரிவித்துள்ளது.
வெளிவிவகார அமைச்சின் செயலாளர் கருணாதிலக அமுனுகம இத்தகவலை அத தெரணவிடம் தெரிவித்தார்.
வட பகுதிக்கு விஜயம் செய்த அமெரிக்க இராஜாங்க திணைக்கள யுத்தக்குற்ற விசாரணை பிரிவு பொறுப்புத் தூதுவர் ஸ்டீபன் ஜே.ரெப் மற்றும் இலங்கைக்கான அமெரிக்க தூதுவர் மிசெல் சிசேன் ஆகியோர் யுத்தம் இடம்பெற்ற இடங்களை பார்வையிட்டுள்ளனர்.
வெளிவிவகார அமைச்சின் செயலாளர் கருணாதிலக அமுனுகம இத்தகவலை அத தெரணவிடம் தெரிவித்தார்.
வட பகுதிக்கு விஜயம் செய்த அமெரிக்க இராஜாங்க திணைக்கள யுத்தக்குற்ற விசாரணை பிரிவு பொறுப்புத் தூதுவர் ஸ்டீபன் ஜே.ரெப் மற்றும் இலங்கைக்கான அமெரிக்க தூதுவர் மிசெல் சிசேன் ஆகியோர் யுத்தம் இடம்பெற்ற இடங்களை பார்வையிட்டுள்ளனர்.
புனித அந்தோனி மைதானத்திற்கு அவர்கள் விஜயம் செய்தபோது எடுக்கப்பட்ட புகைப்படத்தை தனது உத்தியோகபூர்வ டுவிட்டர் பக்கத்தில் தரவேற்றிய கொழும்பு அமெரிக்க தூதரகம், இலங்கை இராணுவம் மேற்கொண்ட ஷெல் தாக்குதலில் நூறு குடும்பங்கள் கொல்லப்பட்ட இடம்தான் இது என்று விளக்கம் அளித்திருந்தது.
அமெரிக்க தூதரகத்தின் இத்தகவலை இலங்கை இராணுவம் மறுத்துள்ளது.
இந்நிலையில் நூறு குடும்பங்களை இலங்கை இராணுவம் கொன்றதற்கு சாட்சி உள்ளதா? என அமெரிக்க தூதரகப் பேச்சாளர் ஜீலியானா ஸ்ஜேவனிடம் வினவிய போது,
அதற்கு பதிலளித்த அவர், புதிய சாட்சிகள் எதுவும் இல்லை என்றார்.
புதிய சாட்சிகள் இன்றி மேற்கண்டவாறான கருத்தை வெளியிட்டுள்ளமை நியாயமானதா என வினவியபோது அதற்கும் ஒரே பதிலையே அவர் அளித்தார்.
எப்படியிருப்பினும் மார்ச் மாதம் நடைபெறவுள்ள ஐநா மனித உரிமை கூட்டத் தொடரில் அமெரிக்கா, இலங்கை மீது போர்க்குற்ற விசாரணையை வலியுறுத்தும் பிரேரணை ஒன்றை கொண்டுவரவுள்ளதாக அறிவிக்கப்பட்டுள்ளது.
0 comments:
Post a Comment