• Latest News

    December 08, 2014

    தமிழ் சினிமா இயக்குனர்களின் சம்பளம் எவ்வளவு? (ஒரு பார்வை)

           சங்கர்                                                      முருகதாஸ்                                                 மணிரத்னம்
    தமிழ் சினிமாவில் நாயகன், நாயகியை போன்று இயக்குனர்களுக்கும் அவர்களின் வெற்றிகளுக்கு ஏற்ப ”மார்கட்” உண்டு, இயக்குனர்களின் படங்களின் தரம் மற்றும் வசூலினை வைத்து அவர்களின் சம்பளம் தீர்மானிக்கப்படும். அவர்கள் வாங்கும் சம்பளத்தின் அடிப்படையில் அவர்களது ”மார்கட்” அதாவது யார் முதலிடத்தில் இருக்கிறார் என்ற கணிப்பு வெளியாகும்.
    சங்கர்
    தொடர்ந்து 20 வருடங்களாக முதல் இடத்தில் இருக்குன் இயக்குனர் சங்கர் தான்.
    தமிழ் சினிமாவின் முன்னணி நடிகர்கள் ரஜினி, கமல், விஜய், விக்ரம் என அனைவரையும் இயக்கியவர். தமிழ் சினிமாவில் இவரின் தற்போதைய சம்பளம் 15 கோடி.
    முருகதாஸ்
    அஜித் நடித்த தீனா படத்தின் மூலம் இயக்குனர் அவதாரம் எடுத்தவர் முருகதாஸ். இவர் இயக்கிய அனைத்து படங்களும் வெற்றிதான். இவர் இறுதியாக இயக்கிய 3  படங்களும் 100 கோடி வசூல் செய்தமை குறிப்பிடத்தக்கது. தமிழ் சினிமாவில் இவரின் தற்போதைய சம்பளம் 12 கோடி.
    மணிரத்னம்
    இந்திய சினிமாவின் கௌரவம், தமிழ் சினிமாவில் பெருமை மணிரத்னம் அவர்கள் இன்று வரை கிளாஸ் இயக்குனர்களுக்கு குருநாதர் தான். இவர் கடைசியாக எடுத்த 5 படங்கள் தோல்வி இருந்தாலும் இவர் மேல் உள்ள மரியாதை எந்த அளவிலும் குறையவில்லை. தமிழ் சினிமாவில் இவரின் தற்போதைய சம்பளம் 5 கோடி.
    பாலா, கே.வி.ஆனந்த்
    தமிழ் சினிமாவிற்கு புதிதாக ஒரு அரிதாரம் பூசி காலடி எடுத்து வைத்தவர் பாலா. இவர் படங்கள் ஓடுகிறது, ஓடவில்லை என்பதை தாண்டி காலத்தால் பாதுகாக்கவேண்டிய படங்கள். கே.வி.ஆனந்த் அடிப்படையில் ஒரு மிகச்சிறந்த ஒளிப்பதிவாளர். சங்கர் மீது கொண்ட ஆசையோ தெரியவில்லை அவர் பாணியில் படங்களாக அயன், கோ என வெற்றி கொடுத்து மாற்றானில் கொஞ்சம் சறுக்கினார். அதையும் அனேகனில் பிடித்து விடுவார் என்று எதிர்ப்பார்க்கப்படுகிறது. தமிழ் சினிமாவில் இவரர்களின் தற்போதைய சம்பளம் 5 கோடி.
    செல்வராகவன், கௌதம் மேனன்
    தமிழ் சினிமாவில் மசாலா படங்களை தரமான பாத்திரத்தில் கொடுப்பதில் வல்லவர்கள் இவர்கள் இருவரும். கௌதம் எப்போது உயர்ரக மக்களின் விருப்பம். செல்வராகவன் சாதாரண மக்களின் விருப்பம். இவர்கள் கடைசியாக எடுத்த படம் மக்களிடையே நல்ல வரவேற்பை பெறவில்லை. ஆனால், அஜித், தனுஷ் இவர்களுக்கு கைகொடுத்து தூக்கிவிட்டுள்ளனர். தமிழ் சினிமாவில் இவர்களின் தற்போதைய சம்பளம் 4 கோடி.
    கே.எஸ்.ரவிக்குமார், ஹரி, லிங்குசாமி
    இந்த மூவரும் மசாலா ராஜாக்கள். அதிலும் கே.எஸ்.ரவிக்குமார் மசாலா சினிமாவின் குருநாதர். இதில் ஹரிக்கு எபவ்போதும் வெற்றிதான். லிங்குசாமி மட்டும் கொஞ்சம் சறுக்கலில் இறுக்கிறார். ஆனால், அவரும் அடுத்த படத்தில் மீண்டு வருவார் என்று நம்பலாம். தமிழ் சினிமாவில் இவர்களின் தற்போதைய சம்பளம் 4 கோடி.
    வெங்கட் பிரபு, ராஜேஸ், ஏ.எல். விஜய்
    மங்காத்தா வெற்றியின் மூலம் உச்சத்தை தொட்டவர் வெங்கட் பிரபு. அதேபோல் பாஸ் (எ) பாஸ்கரன் படத்தில் வெற்றியை கண்டு அழகுராஜாவில் சறுக்கியவர் ராஜேஸ். குறுகிய காலத்தில் விஜய், அஜித், விக்ரம் என முன்னணி நடிகர்களை வைத்து இயக்கியவர் ஏ.எல்.விஜய். தமிழ் சினிமாவில் இவர்களின் தற்போதைய சம்பளம் 3 கோடி.
    Source:- Viduppu
    • Blogger Comments
    • Facebook Comments

    0 comments:

    Post a Comment

    Item Reviewed: தமிழ் சினிமா இயக்குனர்களின் சம்பளம் எவ்வளவு? (ஒரு பார்வை) Rating: 5 Reviewed By: murasunews
    Scroll to Top