நாட்டில்
அனைவரும் ஒற்றுமையாக வாழும் வகையில் மத சுதந்திரத்தை
உறுதிப்படுத்துவேன் என்று தெரிவித்த எதிரணியின் பொது வேட்பாளர்
மைத்திரிபால சிறிசேன, மதங்களுக்கிடையிலும்
இனங்களுக்கிடையிலும் நல்லிணக்கத்தை ஏற்படுத்த போராடுவேன். நாட்டு மக்களின்
ஆசியுடன் ஜனாதிபதியாகுவேன் என வும் சுட்டிக்காட்டினார்.கொழும்பு
தெவட்டகஹ பள்ளிவாசலிற்கு நேற்று விஜயம் செய்து வழிபாடு களில்
ஈடுபட்ட பிற்பாடு கருத்து தெரிவிக்கையிலேயே அவர் இவ்வாறு
தெரிவித்தார்.
இது தொடர்பில் அவர் மேலும் அங்கு
உரையாற்றுகையில்; கொழும்பின் வரலாற்று சிறப்புமிக்க தெவட்டகஹ
பள்ளிவாசலில் வணக்க வழிபாடுகளில் ஈடுபடுவதனையிட்டு நான்
பெருமைபடுகிறேன்.தற்போது நாட்டு மக்களிடையே சந்தேகம், குரோதம்
எழுந்துள்ளது. நாட்டு மக்களும் பாதுகாப்பின்றி உள்ளனர். எனவே
ஜனாதிபதி தேர்தலில் வெற்றி பெற்ற பிற்பாடு நாட்டு மக்களின்
பாதுகாப்பை உறுதிப்படுத்துவேன். மேலும் நாட்டின் புதிய கலாசாரத்தை
ஏற்படுத்துவேன்.
அத்தோடு நாட்டில் அனைவரும் ஒற்றுமையாக
வாழும் வகையில் மத சுதந்திரத்தை உறுதிப்படுத்துவேன். மேலும்
மதங்களுக்கிடையிலும் இனங்களுக்கிடையிலும் நல்லிணக்கத்தையும்
சகோதரத்துவத்தையும் சமத்துவத்தையும் ஏற்படுத்துவேன். இதற்காக
பூரண ஒத்துழைப்பினை வழங்கி போராடுவேன்.
இதேவேளை, நாட்டு மக்களின் ஆசியுடனும்
கடவுளின் ஆசியுடனும் நான் வெற்றி பெறுவேன். ஆகவேஇ, அனைத்து மதத்தவர்களின்
சுதந்திரத்தை வழங்கி முழுமையாக பாதுகாப்பை உறுதிப்படுத்துவேன். என
தெரிவித்தார். -வீரகேசரி
0 comments:
Post a Comment