சர்வதேச சூழ்ச்சி வலையில் நாடும், நாட்டு
மக்களும் சிக்கிக் கொண்டிருக்கின்றனர். தமிழ், முஸ்லிம் தீவிரவாத
சக்திகளில் இருந்து நாட்டை காப்பாற்ற வேண்டுமாயின் தனித்துவமான
தலைமையினை மக்கள் ஆதரிக்க வேண்டும் என
தெரிவிக்கும் பொதுபல சேனா, மைத்திரிபாலவின் கூட்டணியினை
ஆதரித்தால் 1815 ஆம் ஆண்டு ஏற்பட்ட சிங்கள, முஸ்லிம் கலவரத்தைப் போல்
2015ஆம் ஆண்டிலும் மிகப் பெரிய கலவரமொன்று ஏற்படும் எனவும்
குறிப்பிட்டது.
பொதுபலசேனா பௌத்த அமைப்பின் சங்க
சம்மேளன மாநாடு நேற்று கொழும்பு ஹைட்பார்க் மைதானத்தில் இடம்பெற்றது.
இங்கு அந்த அமைப்பின் பொதுச் செயலாளர் கலகொட அத்தே ஞானசார தேரர்
உரையாற்றுகையிலேயே இவ்வாறு கூறினார். இது தொடர்பில் அவர் மேலும்
தெரிவிக்கையில்,
ஜனாதிபதித் தேர்தலை மையப்படுத்தி
நாட்டில் கலவரமொன்றினை ஏற்படுத்த பலர் முயற்சிக்கின்றனர். மஹிந்த
ராஜ பக் ஷ அரசாங்கத்தை வீழ்த்தினால் நாட்டில் ஜனநாயக ஆட்சியொன்று
ஏற்படும் என எதிரணியினர் தெரிவிக்கின்றனர். ஆனால்
அரசாங்கத்திற்கு போட்டியாக களமிறங்கியுள்ள பொது எதிரணியின்
கொள்கைப் பத்திரம் சர்வதேசத்தின் பிரிவினைவாத கோட்பாட்டினை
ஒத்ததாகவே உள்ளது.
அரசாங்கம் யுத்தத்தினை முடிவிற்கு
கொண்டு வந்ததையடுத்து இந்த நாட்டில் அபிவிருத்தி மற்றும் அமைதியும்
சமாதானமும் ஏற்பட்டுள்ளது. ஆட்சி மாறினால் நிலைமை மாற்றமடைந்து
மீண்டும் குழப்பகரமானதொரு சூழ்நிலை ஏற்படும்.
சர்வதேச சூழ்ச்சி வலையில் நாடு
சிக்கியுள்ள இத் தருணத்தில் மக்கள் மிகச் சரியானதொரு முடிவினை
எடுக்க வேண்டும். யாரை ஆதரித்தால் நாடு காப்பாற்றப்படுமென்பதை
மக்கள் அறிவுபூர்வமாக சிந்திக்க வேண்டும். அரசாங்கத்தில் உள்ள
ஒருசிலர் இன்று வெளிநாட்டு கறுப்புப் பணத்திற்கும் வெளிநாட்டு கொள்கைப்
பத்திரத்திற்கும் அடிமையாகி விட்டனர்.
மறுபுறம் நாட்டில் முஸ்லிம் தீவிரவாத
செயற்பாடுகளும் தமிழ் பிரிவினைவாத மற்றும் புலம் பெயர்
அமைப்புகளின் செயற்பாடுகள் பரவி வருகின்றது. இந்த நாட்டில் 1815 ஆம்
ஆண்டு இடம்பெற்ற இனக் கலவரம் மிகப் பெரிய விளைவினை ஏற்படுத்தியது.
இன்று பொது எதிரணிகள் நோக்கமும் 1815 ஆம் ஆண்டு கலவரத்தினைப் போல் பல
மடங்கு பெரிய மிக மோசமான இனக் கலவரங்களை ஏற்படுத்துவதே ஆகும்.
மைத்திரிபால சிறிசேனவின் பின்னணி யில்
முழுமையாக செயற்படுவது பிரிவினை வாதிகளும் இஸ்லாமிய, கிறிஸ்தவ
தீவிரவாதிகளுமேயாவர். இவர்களின் கைகளில் நாடு செல்லுமாயின் வெகு
விரையில் சிங்கள பௌத்த இனம் அழிந்து விடும்.
எனவே,1815 ஆம் ஆண்டு கலவரத்தைப் போல்
2015 ஆம் ஆண்டில் ஒரு இனக் கலவரம் வருவதற்கு நாம் ஒரு போதும்
இடமளிக்கக் கூடாது. இந்த நாட்டின் சிங்கள, பௌத்த தன்மையினை
காப்பாற்றவும் நாட்டில் மக்களை காப்பாற்றவும் நாம் இம்முறைத்
தேர்தலை சரியாக பயன்படுத்திக் கொள்ள வேண்டும்.
வீட்டில் சண்டை இ சச்சரவுகள் ஏற் படுவது
வழக்கமானது. அதற்காக வீட்டையாரும் எரிப்பதில்லை. அதேபோல் அரசாங்கத்தினால்
பல குழப்பங்கள் வரலாம். அதற்காக நாட்டை காட்டிக் கொடுத்து துரோகம்
விளைவித்துவிடக் கூடாது எனவும குறிப்பிட்டார்.-VK
0 comments:
Post a Comment