சம்பள உயர்வு கோரிக்கையை முன்வைத்து போராட்டம் முன்னெடுக்கப்பட உள்ளதாக ஜே.வி.பி.யின் மாகாணசபை உறுப்பினர் கே.டி.லால்காந்த தெரிவித்துள்ளார்.
அரச ஊழியர்களின் சம்பளங்களை உயர்த்துவது தொடர்பில் இந்த அரசாங்கம் அளித்த வாக்குறுதிகளை நிறைவேற்றத் தவறியுள்ளது.
அரசாங்கம் அளித்த வாக்குறுதியை நிறைவேற்றத் தவறியமைக்காக நாடு முழுவதிலும் போராட்டம் நடத்தப்படும்.
கடந்த ஜனாதிபதி தேர்தலின் போது அரச ஊழியர்களின் சம்பளத்தை 10000 ரூபாவினால் உயர்த்துவதாக வாக்குறுதி அளிக்கப்பட்டது.
எனினும் இடைக்கால வரவு செலவுத் திட்டத்தில் 5000 ரூபா கொடுப்பனவு ஒன்று அரச ஊழியர்களுக்கு வழங்கப்பட்டுள்ளது.
கடந்த ஜனாதிபதி மஹிந்த சமர்ப்பித்த வரவு செலவுத் திட்டத்தில் உயர்த்தப்பட்ட 3000 ரூபாவினையும் உள்ளடக்கி மேலும் 2000 ரூபா கொடுப்பனவை ஜூன் மாதம் முதல் வழங்க அரசாங்கம் தீர்மானித்துள்ளது.
இதனை நிதி அமைச்சர் ரவி கருணாநாயக்க அண்மையில் தெரிவித்திருந்தார்.
அதிகரிக்கப்பட்ட கொடுப்பனவுகள் அடிப்படைச் சம்பளமாக உள்வாங்கப்பட வேண்டும்.
முன்னாள் ஜனாதிபதி மஹிந்தவினால் அதிகரித்த கொடுப்பனவு தவிர்ந்த 10000 ரூபா சம்பள உயர்வு மேற்கொள்ளப்பட வேண்டும்.
இதற்காக எதிர்வரும் மார்ச் மாதம் வீதியில் இறங்கி போராட்டம் நடத்த நடவடிக்கை எடுக்கப்படும்.
இந்த அரசாங்கம் தொழிலாளர்களுக்காக ஓர் அமைச்சரைக் கூட நியமிக்கவில்லை.
நீதி அமைச்சர் மற்றும் பிரதி நீதி அமைச்சர்களின் கீழ் நாட்டின் தொழிலாளர்கள் தொடர்பான விடயங்கள் ஒப்படைக்கப்பட்டுள்ளது என அவர் குற்றம் சுமத்தியுள்ளார்.
கொழும்பில் நேற்று நடைபெற்ற செய்தியாளர் சந்திப்பில் அவர் இதனைத் தெரிவித்துள்ளார்
0 comments:
Post a Comment