அவர் மேலும் கூறுகையில்,
முஸ்லிகளுக்கு தனியான அலகு வழங்கப்படுமா? இல்லையா? என்பதை அரசாங்கம் பகிரங்கப்படுத்த வேண்டும் என பொதுபல சேனா கோரிக்கை விடுத்துள்ள வேளையில், முஸ்லிம்களின் நியாயமான கோரிக்கையை மீளவும் பேரினவாத சக்திகளுக்கு காட்டிக்கொடுத்து தங்களது அரசியல் பிழைப்பினை நடத்துவதற்கு எத்தணிக்கின்ற ஞானசார தேரர், அங்கத்துவம் வகிக்கின்ற கட்சிக்கு தேர்தலில் மக்கள் சிறந்த பாடத்தினை புகட்டியுள்ளனர்.
தமிழ்த் தேசியக் கூட்டமைப்பு தங்களது தேர்தல் விஞ்ஞாபனத்தில் வடக்கும், கிழக்கும் மீண்டும் இணைக்கப்பட வேண்டும் என தெரிவித்திருந்தது இவ்வேளையில் முஸ்லிம்களுக்கான தீர்வு பற்றி பேசுவது முக்கியமானதாகும்.
வடக்கும், கிழக்கும் மீண்டும் இணைக் கப்பட வேண்டும் என்பதை முஸ்லிம் காங்கிரஸின் செயலாளர் நாயகம் ஏற்றுக்கொண்டுள்ளார் என தேர்தலில் படுதோல்வியடைந்த முன்னாள் அமைச்சர் அதாஉல்லா தேர்தல் காலங்களில் கூறிய கூற்று நகைப்புக்குரியது.
ஏனெனில் வடக்கும், கிழக்கும் இணைந்திருந்த போது அவை நிரந்தரமாக பிரிக்கப்படு மானால் முஸ்லிம்களுக்கான கரையோர மாவட்டம் உறுதி செய்யப்படுதல் வேண்டும் என மறைந்த தலைவர் எம்.எச்.எம். அஷ்ரஃப் அன்று நிபந்தனை விதித்திருந்தார். வடக்கும் கிழக்கும் தற்காலிகமாக இணைந்திருந்த போது தமிழர்கள் அதனை நிரந்தரமாக இணைக்க வேண்டும் என்றும் சிங்களவர்கள் அதனை நிரந்தரமாக பிரிக்க வேண்டும் எனவும் குரல் எழுப்பினர்.
இவ்வாறானதொரு நிலையில் தான் தற்காலிகமாக இணைந்திருந்த வடக்கும், கிழக்கும் மக்கள் விடுதலை முன்னணியினர் நீதிமன்றத்தில் தாக்கல் செய்த வழக்கின் தீர்ப்பின் பிரகாரம் இருவேறு மாகாணங் களாக பிரிக்கப்பட்டன.
அதனால் முஸ்லிம்களுக்கான கரையோர மாவட்டம் கிடைக்காமல் போனது துரதிர்ஷ்டவசமானது. ஆனாலும், வடக்கும், கிழக்கும் சர்வஜன வாக்கெடுப்பின் மூலம் பிரிக்கப்படவில்லை என்பது இங்கு குறிப்பிடத்தக்கதொரு முக்கியமான விடயமாகும்.
கரையோர மாவட்டம் கிடைக்காமல் போனதற்குக் காரணம் நீதிமன்றத்தில் தாக்கல் செய்த வழக்கின் தீர்ப்பினாலாகும். வடக்கும், கிழக்கும் பிரிக்கப்பட்டதால் முஸ்லிம்களுக்கு எந்த விதமான அணு கூலங்களும் கிடைக்கவில்லை. மாறாக வடக்கும், கிழக்கும் பிரிக்கப்பட்டதற்குப் பிறகுதான் முஸ்லிம்களுக்கு அநியாயங்கள் அட்டூழியர்கள் எல்லாம் நடந்தேறின. சுமார் 62000 ஏக்கர் முஸ்லிம்களின் காணிகள் பேரினவாத சக்திகளினால் அபகரிக்கப்பட் டுள்ளன.
இவற்றை மீட்டெடுப்பதற்காக ஸ்ரீலங்கா முஸ்லிம் காங்கிரஸ் கடந்த அரசாங்கத்தின் 100 நாள் வேலைத்திட்டத்தில் ஒரு அறிக்கையினை பிரதமரிடம் கையளித் ததோடு மட்டுமல்லாமல் அதனை வெற்றி கொள்வதற்காக மிகவும் பிரயத் தனம் செய்தோம்.
முஸ்லிம்களை பற்றி மிகத் தெளிவான கொள்கை ஸ்ரீலங்கா முஸ்லிம் காங்கிரஸிடம் மாத்திரமே உள்ளது. எமது சமூகத்தை சீரழிப்பதற்காக உருவாக்கப்பட்ட சில தற்காலிக குழுக்கள் தேர்தலில் தோற் கடிக்கப்பட்டன. மக்கள் அதற்கு அங்கீகாரம் வழங்கவுமில்லை எதிர்வரும் நாட்களில் தீர்வுத்திட்டம் என்று வரும்போது அதில் ஏனைய கட்சிகளுடன் சம பலத்துடன் பேச்சுவார்த்தை மேசையில் அமர்வதற்கு ஆளுமைமிக்க தலைமைத்துவமாக எமது கட்சியின் தேசிய தலைமை உள்ளது.
முஸ்லிம் காங்கிரஸ் போராளிகளினது தீர்க்க தரிசமான சிந்தனையின் மூலமாக முஸ்லிம் காங்கிரஸ் திகாமடுல்ல மாவட்டத்தில் ஐக்கிய தேசியக் கட்சியோடு கூட்டிணைந்து போட்டியிட்டு 03 ஆசனங் களை வரலாற்றில் முதற் தடவையாக பெற்றதன் மூலம் முஸ்லிம் காங்கிரஸ் என்ற பேரியக்கத்தை எந்த சிறு கட்சிகளாலும் அழித்து விட முடியாது என தெரிவித்தார்.
0 comments:
Post a Comment