• Latest News

    August 23, 2015

    தாஜ்மஹாலின் புராதான அலங்கார தொங்கும் சரவிளக்கு கீழே விழுந்தது

    தாஜ்மஹாலின் பெருமையான, 17-ம் நூற்றாண்டு, 6 அடி உயர, 4 அடி அகல, 60 கிலோ எடையுள்ள பிரிட்டிஷ் கால தாமிர தொங்கு விளக்கு புதன்கிழமையன்று கீழே விழுந்தது.

    கர்சன் பிரபுவால் 1905-ம் ஆண்டு பரிசாக அளிக்கப்பட்ட இந்த அரிய அலங்கார தொங்கு விளக்கு புதன் கிழமை விழுந்து நொறுங்கியதையடுத்து இந்திய தொல்லியல் ஆய்வுக் கழகம் விசாரணைக்கு உத்தரவிட்டுள்ளது.

    புவன் விக்ரம் என்பவர் தலைமையில் விசாரணைக்கு உத்தரவிடப்பட்டுள்ளது.

    இந்த புராதன, அரிய தொங்கு விளக்கு கீழே விழுந்து நொறுங்கியதன் காரணம் என்ன என்பது பற்றி அதிகாரபூர்வ தகவல்கள் இல்லையென்றாலும் நாட்பட்ட காரணத்தினால் விழுந்திருக்கலாம் என்று சில வட்டாரங்கள் தெரிவிக்கின்றன.

    "நல்ல வேளையாக அது விழும்போது சுற்றுலாவாசிகள் யாரும் அருகில் இல்லை, இருந்திருந்தால் பெரிய துயரம் ஏற்பட்டிருக்கும்” என்று சுற்றுலா வழிகாட்டி வேத் கவுதம் என்பவர் தெரிவித்தார்.

    மீண்டும் அந்த தொங்கு விளக்கை பொருத்துவதென்பது விளக்கின் தற்போதைய நிலைமை என்னவென்பதை கணித்த பிறகே தெரியவரும்.

    சில சுற்றுலாப் பயணிகள், இதனை கடுமையாக விமர்சனம் செய்தனர், இந்திய தொல்லியல் கழக அதிகாரிகளின் அலட்சியமே இந்த சம்பவத்துக்குக் காரணம் என்று கூறுகின்றனர்
    • Blogger Comments
    • Facebook Comments

    0 comments:

    Post a Comment

    Item Reviewed: தாஜ்மஹாலின் புராதான அலங்கார தொங்கும் சரவிளக்கு கீழே விழுந்தது Rating: 5 Reviewed By: murasunews
    Scroll to Top