(ஏ.எல்.எம்.சலீம்)“சிறுபான்மையினராகிய தமிழர் முஸ்லிம்களது அடிப்படை உரிமைகள், சுய நிர்ணயம், தேசிய அடையாளம் என்பன பறிபோய்க் கொண்டிருக்கிறது.
இந்நிலையில் இரு சமூகங்களும் ஒன்றுபடாவிட்டால் இழந்து போகும் எதனையும் மீண்டும் பெற்றுக் கொள்ளமுடியாது”
இவ்வாறு ஸ்ரீலங்கா முஸ்லிம் காங்கிரஸின் செயலாளர் நாயகமும் முன்னாள் ராஜாங்க அமைச்சருமான எம்.ரி.ஹசன் அலி கூறினார்.நிந்த வூர் ஆர்.கே.மீடியாவின் ஏற்பாட்டில் நடைபெற்ற நிந்தவூரைச் சேர்ந்த ராஜகவி ஏ.சீ.ராகிலின் மூன்று நூல்களின் அறிமுகவிழாவில் பிரதம அதிதியாகக் கலந்து கொண்டு உரையாற்றுகையிலேயே அவர் மேற்கண்டவாறு கூறினார்.
நிந்தவூர் கலை, இலக்கிய பேரவையின் செயலாளரும் பிரதம பொறியியலாளருமான தம்பிெலவ்வை இஸ்மாயில் தலைமையில் நிந்தவூர் பிரதேச சபை உள்ளக அரங்கில் விழா நடைபெற்றது.
விழாவில் பேராதனை பல்கலைக்கழக ஓய்வுநிலை சிறப்பு பேராசிரியர் துரை மனோகரன் சிறப்பு அதிதியாகவும் அமைச்சுக்களின் செயலாளரும் இதழாசிரியருமான சதீஸ் குமார் சிவலிங்கம் கௌரவ அதிதியாகவும் கலந்து கொண்டனர்.
ராஜகவிராகிலின் “ மிட்டாய்– மலை இழுத்துச்செல்லும் எறும்பு”(நாவல்), “யாழ் மீட்டிய கண்கள்”(பயணக்கட்டுரை) “தேவதையின் அந்தப்புரத்தில் பட்டாம்பூச்சிக் குடுயிருப்பு” (கவிதை வண்ணநூல்) ஆகிய 3 நூல்களுக்குமே இந்த அறிமுக விழா நடைபெற்றது.
முன்னாள் ராஜாங்க அமைச்சர் ஹசனலி விழாவில் தொடர்ந்துரையாற்றுகையில்,
“ தமிழ் மொழி புனிதமான மொழி இந்த மொழி நம்மை ஒன்று சேர்த்திருக்கின்றது.
அரபு மொழி தெரியாத எமக்கு இஸ்லாம் மார்க்கத்தைப் புரியவைத்த தமிழ் மொழி மீது நான் அலாதியான பற்று கொண்டிருப்பதுடன் மிகவும் நேசித்தும் வருகின்றேன்.
இந்த நிலையில் தமிழ், முஸ்லிம் மக்களிடையே விரிசல்கள் ஏற்படுவதற்கு நாம் ஒரு போதும் இடமளிக்க முடியாது.
. இன்று சிறுபான்மை இனங்களாகிய நமது தமிழ், முஸ்லிம் மக்களின் அடிப்படை உரிமைகள் சுயநிர்ணயம் தேசிய அடையாளம் என்பன பறிபோய்க் கொண்டிருக்கின்றன. இந்நிலைமையில் நமது இரு சமூகங்களும் ஒன்றுபடாமல் இவ்வாறு நாம் இழந்து கொண்டிருப்பதை மீளப் பெறவும் முடியாது இருப்பவற்றைத் தக்கவைத்துக் கொள்ளவும் முடியாது.
இன்று கூட மோசமான சூழ்நிலையில் பேரினவாத பௌத்த மேலாதிக்க சூழ்ச்சிகளாலும் அடாவடிகளாலும் தமிழ் முஸ்லிம் மக்கள் மோசமான சூழ்நிலைகளைச் சந்தித்துக் கொண்டிருக்கின்றனர்.
ஒருகாலத்தில் தென்கிழக்குப் பிரதேசம் முஸ்லிம்களைப் பெரும்பான்மையாகக் கொண்ட பிரதேசமென மார்தட்டிக் கொண்டோம். ஆனால் இன்று அந்த நிலை இங்கு இல்லையென்ற கசப்பான உண்மையை நாம் புரிந்து கொள்ள வேண்டும்.
குறிப்பாக அம்பாறை மாவட்டத்தில் வெளிமாவட்ட பெரும்பான்மை சமூகத்தினை திட்டமிட்டுக் குடியேற்றப்பட்டுள்ளதுடன் சில சிங்கள மாவட்டப் பிரதேசங்களும் அம்பாறை மாவட்டத்துடன் இணைக்கப்பட்டுள்ளன. இதனால் நமது இனப்பரம்பல் மாற்றப்பட்டுள்ளதுடன் நமக்கென ஏற்ற நிலப்பரப்பு இல்லாத துயர நிலைமையும் ஏற்பட்டுள்ளது.
எனவே இந்த நிலைமைகளை புரியாத வரை இந்த நிலமைகளுக்கு நாமிணைந்து முற்றுப்புள்ளிவைக்காத வரை தமிழர் முஸ்லிம்கள் இரு சமூகங்களும் நிம்மதியாக வாழமுடியாது
0 comments:
Post a Comment