இஸ்ரேலின் பாதுகாப்பு அமைச்சர் யோவ் கெலண்ட் தனது பதவியிலிருந்து நீக்கப்பட்டுள்ளதாக அந்நாட்டின் பிரதமர் பெஞ்சமின் நெதன்யாகு தெரிவித்துள்ளார்.
கடந்த சில வாரங்களாக யோவ் கெலண்ட் மீது நெதன்யாகு வைத்திருந்த நம்பிக்கையில் விரிசல் ஏற்பட்டமையே இதற்கு காரணம் எனத் தெரிவிக்கப்பட்டுள்ளது.
இதனையடுத்து, தற்போது வெளிவிவகார அமைச்சராக உள்ள இஸ்ரேல் காட்ஸ் பாதுகாப்பு அமைச்சையும் நிர்வகிப்பார் என கூறப்படுகின்றது. குறித்த தீர்மானத்திற்கு தனது 'X' தளத்தில் பதிலளித்த கெலண்ட், "இஸ்ரேலின் பாதுகாப்பு என்னுடைய வாழ்நாள் இலக்கு" எனத் தெரிவித்துள்ளார்.
இதேவேளை, நெதன்யாகு, கெலண்ட்டை பதவி நீக்கம் செய்து தனது அரசியல் கூட்டணியில் இருந்து ஒருவரை அப்பதவிக்கு நியமிப்பார் என இஸ்ரேலின் அரசியல் வட்டாரங்கள் கணித்திருந்தன.
சரிவு நிலையில் உள்ள தனது ஆளும் அரசாங்கத்தை மீட்டெடுக்க நெதன்யாகு போராடி வருவதாகவும் இஸ்ரேலிய அரசியல் வட்டாரங்கள் தெரிவித்துள்ளன.
0 comments:
Post a Comment