இன்றைய ஐக்கிய மக்கள் சுதந்திரக் கூட்டமைப்பு அரசாங்கத்தில் அங்கம் வகிக்கும் சிறுபான்மைக் கட்சிகளுக்கு பிரதி அமைச்சர் பதவி வழங்க இருப்பதாக அரசாங்கத்தில் உள்ள முக்கியஸ்தர் ஒருவர் தெரிவித்ததாக திவியின சிங்கள பத்தரிகை செய்தி வெளியிட்டுள்ளது. அதன்படி ஜனநாளக மக்கள் காங்கிரஸைச் சேர்ந்த பிரபா கணேசன், தேசிய தொழிலாளர் காங்கிரஸ் டி.திகாம்பரம், மலையக மக்கள் முன்னணியின் டி.எஸ்.ராதா கிருஸ்ணன் மற்றும் மு.காவின் பாராளுமன்ற உறுப்பினர்களுக்கும் பிரதி அமைச்சர் பதவி வழங்கப்பட இருப்பதாக திவயின தெரிவித்துள்ளது.
மு.காவிற்கு மூன்று பிரதி அமைச்சர் பதவிகள் கிடைத்தால் அம்பாரை மாவட்;டத்தில் இரண்டு பேருக்கும், திருகோணமலையில் தௌபீக்கும் பிரதி அமைச்சர் பதவிகள் வழங்கப்படுமென்று எதிர் பார்க்கப்படுகின்றன. இதே வேளையில், அண்மையில் தௌபீக் ரவூப் ஹக்கிமுக்கு தெரியாமல் ஜனாதிபதியை சந்தித்ததாகவும் இதனால் ரவூப் ஹக்கிம் கொதிப்படைந்திருப்பதாகவும் தெரியவருகின்றது. மேலும், கல்முனை மாநகர சபையின் மேயர் சிராஸ் மீராசாஹிவும் ஜனாதிபதியை ரவூப் ஹக்கிமுக்கு தெரியாமல் சந்தித்ததாகவும் தெரிவிக்கப்படுகின்றன.
சிராஸ் மீராசாஹிவு ஜனாதிபதியை சந்தித்துக் கொண்டிருந்த வேளையில் அங்கு ரவூப் ஹக்கிம் சென்றதாகவும், பின்னர் சிராஸ் ஹக்கிமுக்கு தெரியாமல் மாற்று வழியில் வெளியேறிச் சென்றதாகவும் தகவல்கள் தெரிவிக்கின்றன.
0 comments:
Post a Comment